ഇതാണോ കവിത ?
കവിതയ്ക്ക് വൃത്തം വേണ്ടേ ?
വൃത്തമില്ലെങ്കിലൊരു ചതുരമെങ്കിലും ?
ഇതില് ചതുരം പോയിട്ടൊരു ത്രികോണം പോലുമില്ല
കവിതയില് ജീവിതം വേണം
ജീവിക്കാന് മറന്നെങ്കില്
കവിതയും മറന്നുകൂടായിരുന്നോ ?
കവിത വായിച്ചാല് കരച്ചില് വരണം
കണ്ണുനീര് വറ്റിയാല് കവിത വളരരുത്, വരളണം
കവിതയില് ചിരി വേണം
ചിരിക്കാനറിയില്ലെങ്കില് കവിക്കാനുമറിയണ്ട
കവിതയില് 'ക' വേണം
ഇതില് കാ പോയിട്ടൊരു പൂ പോലുമില്ല
കവിതയായാല് 'വിത' വേണം
വിതച്ചാലേ കൊയ്യാനാവൂ
കവിത എഴുതാന് വാസന വേണം
വാസനസോപ്പു തേച്ചു കുളിക്കണം
കുളിക്കാത്തവന്റെ കവിത കവിതയേയല്ല
ഇതു കവിതയാണു പോലും !
പ്ഫ്ഭ ! അവന്റെയൊരു കവിത !
( അണിയറയില് നിന്ന് )"
എന്താണ് ഗുരുജീ ഒരു കിലുങ്ങണ ശബ്ദം ?"
"നിരൂപകന്റെ വെപ്പുപല്ല് തെറിച്ചുപോയതാണേ ! ക്ഷമി !"
Tuesday, February 13, 2007
Subscribe to:
Posts (Atom)